ТУВИНОЧКА
Фото из личного архива героя статьи
АНКЕТА
Шаңгыр-оол Монгушович Суваң
Ниитилел-политиктиг «Шын» солуннуң корреспондентизи
Родился под знаком Рака в год Быка.
ТЫВАНЫҢ ЭҢ ЧАРАШ БУЛУҢУ? Мөңгүн-Тайга кожууну деп бодаар мен. Ында бедик даглар эдээнде - Арзайты деп аттыг Чарык (Ущелье) тыва маадырлыг тоолдарда безин киргени онзагай. Арзайтының аар ийи, бээр ийи азы Арзайтының аар ийинге сыңмас чылгы малдыг деп «Тос шилги аъттыг Өскүс-оол» болгаш «Анаа-Даваа» тыва тоолдардан номчуп болур.
ЭР КИЖИНИҢ КАНДЫГ ААЖЫ-ЧАҢЫН ҮНЕЛЭЭРИЛ? Эр кижиниң ажылгыр-кежээ, эрес-дидим аажы-чаңын үнелээр мен. Эр кижи херек болза Төрээн чуртун-даа камгалаарынга белен болур ужурлуг.
ЧОГААЛЧЫ ШАҢГЫР-ООЛ СУВАҢНЫҢ ЭҢ БИЛДИНГИР ЧОГААЛДАРЫНГА… Тыва күрүнениң үндезилекчизи, Тыва Арат Республиканың Чазак даргазы—Монгуш Буян-Бадыргының дугайында «Хемчик нояны» деп тоожузу база ол чогаалдың орус дылче «Крушение Урянхая» аттыг очулгазы, ооң-биле чергелештир «Туматтар» деп тоожузу болгаш школаларга тыва дылдың өөредилге программазынче кирген бичии уругларга чечен чугаалар чыындызы хамааржыыр.
Совет Эвилелиниң Коммунистиг партиязының Төп Комитединиң 4 Чиңгине секретарларындан эгелээш, амгы Россияның 3 Президентилериниң үезинге чедир ажылдап чоруур, хоочун журналист болгаш Тываның улустуң чогаалчызы Шаңгыр-оол Суваң-биле ооң амыдырал-чуртталгазы, чогаадыкчы ажылы болгаш ниитилелде болуушкуннарга хамаарылгазының дугайында чугаалаштым. – Шаңгыр-оол Монгушович, журналист болур күзелдиг чораан силер бе? – Чок. Бичии оолак шаамда ужудукчу боорун күзеп чораан мен. Школа дооскаш, ССРЭ-ниң хамааты ужар чүүлүнүң Красноярск хоорайда отрядының баазазынга эмчи шинчилгезин эртеримге, думчуумда кемдээшкин бар боорга, Иркутск хоорайда ужар чүүлдүң техниктиг училищезинче кирип алырын сүмелээн. Эмчи комиссиязын эрттирип турган оолдарның бирээзи шериг албан-хүлээлгезин шериг-агаар кезектеринге эрттирген, самолёттуң бир-ле дериг-херекселиниң талазы-биле механиктеп турган болган. Ол …