ТУВИНОЧКА
Фото из личного архива героя статьи
АЛИМБЕК ВЯЧЕСЛАВОВИЧ ИРГИТ
Анестезиолог-реаниматолог эмчи.
Төрүттүнген чылы: суг олуттуг, көк хаван чылы; сылдызы: овен; меңгизи: 8 ак меңгилиг.
АНКЕТА
АМЫДЫРАЛ-ЧУРТТАЛГАДА УДУРТУЛГА, КЫЙГЫРЫЫҢАР? Улуг даайым мени мынчаар чагып-сургап чораан. «Кажан-даа ажылыңга бердинген бол. Ону сагыш-сеткилиңден кылып чор, черле ара кагба, эчизинге чедир». Даайым чагыын утпайн, кажан-даа холум салбайн, бодумга бүзүреп, өскерлиишкиннерден кортпайн, кылган ажылымга бердинген болгаш өскелерге үлегер-чижек болур дээш ажылдап чор мен.
ТЫВАНЫҢ КАЙЫ БУЛУҢУНГА БАРЫКСААР СИЛЕР? Төрээн Тывавыстың кайы-даа кожуун, суурлары чуруп ханмас, онзагай чараш. Шуптузунга барып чедиксээр мен. Ынчалза-даа «Тожуну көрбээн кижи, Тываны көрбээн» деп үлегер домак бар. Удавас Тожуже барып чедер сорулгалыг мен.
ЫНАК ЧОГААЛЧЫҢАР КЫМЫЛ? Тываның улустуң чогаалчызы Степан Агбаанович Сарыг-оол.
СӨӨЛГҮ НОМЧААН НОМУҢАР? Тываның улустуң чогаалчызы Монгуш Кенин-Лопсанның «Тываларның чаңчылчаан культуразы» деп номун номчуп доостум.
ЭР КИЖИНИҢ ААЖЫ-ЧАҢЫ КАНДЫГ БОЛУР УЖУРЛУГУЛ? Эр кижи бүзүрелдиг, быжыг туруштуг, чугаакыр болур ужурлуг. Ынчалза-даа кады чугаалажып турар кижизин дыңнап билир, хүндүлээчел, а эң кол чүве, эрес-кежээ болуру эргежок чугула.
Тыва Республиканың кадык-камгалалының Халдавырлыг аарыглар эмнелгези – улуг кижилерге болгаш бичии уругларга дуза чедирер эмнелге албан черлериниң бирээзи болур. Эмчилер бир чылда, 4 муң ажыг аарыг кижилерге дуза чедирбишаан, чүс-чүс, муң-муң лабораторлуг шинчилелдерни кылып чорудуп турар. Эмчилер чаа технологияларга хамааржыыр, атоматчыткан лабораторлуг комплексти ажыглап, өске регионнарда коллегалары эмчилер болгаш тускай эртемниг специалистер-биле харылзажып, аарыгларны болдурбас, баш бурунгаар тодарадыр сорулгалыг телемедицинаның аргаларын ажыглап турар. Эмчилерниң ажылының кол угланыышкынынга – халдавырлыг аарыгларны чедиишкинниг тодарадыр диагностика чорудары, молекула-биологтуг аргаларны ажыглап тургаш, микробтарны узуткаары, амгы үениң негелдезинге дүгжүп турар эмнер-биле аарыг кижилерни эмнээри, халдавырлыг аарыгларга удур вакцина салыры, чурттакчы чонга тайылбыр ажылын чорудары, эпидемиологтуг …