ТУВИНОЧКА
Из личного архива героя статьи
АНКЕТА
РУСЛАН АНДРЕЕВИЧ ДОНДАЙ-ООЛ
Күрүнениң муниципалдыг «Чаагайжыдылга» бүдүрүлгезиниң кол инженери.
Төрүттүнген чылы: чер олуттуг, 2 кара меңгилиг, чылан чылы, сылдызы – дева.
САЛЫМ-ЧОЛУҢАРНЫҢ ОНЗАГАЙ ТАЛАЗЫ ЧҮДЕЛ? Эш-өөрүмнү удуртуп, баштаар салым-чаяанныг болган мен. Школага өөренип, өөредилге черинге студентилеп турган чылдарымда спортчу команданың капитаны, группанның (староста) даргазы, амгы үеде база улус-чон-биле чугаалажып, бүдүрүлгениң кол инженери албан-дужаалда ажылдап чор мен.
ЭР КИЖИНИҢ ААЖЫ-ЧАҢЫ КАНДЫГ БОЛУРУЛ? Мен бодаарымга, эр кижи тыва чоннуң «сөглээн сөс, керткен ыяш» деп үлегер домаанда ышкаш дидим, шиитпирлиг болгаш чаңгыс чугаалыг болуру чугула. Ынчалза-даа өг-бүлезинге шынчы, кады ажылдап чоруур коллегалары-биле эвилең- ээлдек, улус-биле чугаалажып билир, ажы-төлүнге үлегер чижек болур ужурлуг.
АМЫДЫРАЛ-ЧУРТТАЛГАДА ЭҢ УЛУГ ЧЕДИИШКИННИҢЕР ЧҮҮ ДЕП БОДААР СИЛЕР? «Тыва кижиниң байы ажы-төлүнде» дээр болгай. Кады чуртап чоруур эжим-биле өг-бүле, амыдыралче көрүжүвүс, үзел-бодалдарывыс база чаңгыс аай, дөмей болган. Аңгы өг-бүле тудуп, чурттай бергеш 2 оолдуг, 2 уруглуг болуксаар турган бис. Амгы үеде күзеливис бүткен. 2 оолдуг, 2 кыс уругларлыг болганывыска чоргаарланып, өөрүп чор бис.
ТЫВАНЫҢ КАЙЫ БУЛУҢУНГА БАРЫКСААР СИЛЕР? Республиканың онзагай чараш булуңнарының бирээзи Тере-Хөл кожууннуң төвү Кунгуртуг суурга четпээн мен. Эрте-бурунгу Пор-Бажың болгаш тыва тоолчургу чугааларже кирген Тере-Хөлдү барып көрзе деп күзелдиг мен.
Кызыл хоорайда кудумчуларның, автомашина оруктарының, парктар, сесерликтерниң арыг-силиг чоруу – күрүнениң муниципалдыг «Чаагайжыдылга» бүдүрүлгезиниң дорт хүлээлгези дээрзин шупту билир бис. Ынчалза-даа арыг-силиг чорук чүгле коммунал адырының ажылдакчыларындан эвес, а чурттакчы чоннуң боттарының харыысаалгалыг, медерелдиг чоруундан база хамааржыыр дээрзин Күрүнениң муниципалдыг «Чаагайжыдылга» бүдүрүлгезиниң кол инженери Руслан Андреевич Дондай-оол-биле ужуражып, чугаалашканым түңнелинде ол бадыткады. Кызылдың мэриязының Чуртталга-коммунал ажыл-агый талазы-биле департаментизи, 2021 чыл ИНЖЕНЕРНИҢ АЖЫЛ-ИЖИ Руслан Андреевич Дондай-оол – Чаа-Хөл кожууннуң Ак-Дуруг ортумак школазын 2007 чылда дооскаш, Тываның күрүне университединче дужаап кирип алган. Аңаа 5 чыл чедииишкинниг өөренгеш, инженер дипломнуг доозуп үнген. Ол-ла чылын, эр кижиниң Ада-чуртун камгалаар ыдыктыг албан-хүлээлгезин эрттирери-биле шеригже …