ТУВИНОЧКА
Фото из личного архива героя статьи
ВАДИМ АЛЕКСАНДРОВИЧ СҮГЕЖИК
Тыва Республиканың Шериг комиссариадында специалист-эксперт.
Төрүттүнген чылы: ыяш олуттуг, 6 ак меңгилиг, инек чылы. Сылдызы: деңзилер. Хостуг үезинде: Ырлаарынга, тайга-таңды үнүп, аңнап-меңнээринге ынак. Ынак ыраажызы: Найыр Монгуш.
АНКЕТА:
АМЫДЫРАЛ-ЧУРТТАЛГАДА ЭҢ УЛУГ ЧЕДИИШКИННИҢЕР? Үш кызым, өзүп келген. Улуу студент, артканнары амдыызында школачылар-даа болза, келир үеде Тываның төлептиг кижилери болурунга идегээр мен. Ажы-төлүмге дузалажып, оларны өстүр азыражып чоруурум дээрге, мээң эң улуг чедиишкинним, аас-кежиим ол деп бодаар мен.
ТЫВАНЫҢ КАЙЫ БУЛУҢУНГА БАРЫКСААР СИЛЕР? Тожу кожуунда Ногаан хөлдү барып көрзе деп, изиг күзелдиг мен.
КАНДЫГ САЛЫМ-ЧАЯАН СИЛЕРДЕ КОЛ ЧЕРНИ ЭЭЛЕП ТУРАР ДЕП БОДААР СИЛЕР? Ырлаар салым-чаяанныг мен.
АМГЫ ҮЕДЕ КАНДЫГ НОМ НОМЧУП ТУР СИЛЕР? Республиканың шериг комиссариадында кады ажылдап чоруур коллегам Айдыс Сундуй, Иргит Бадраның «Арзылаң Күдерек» деп номун белекке берген, ону номчуп тур мен.
Тускай шериг операциязының киржикчизи, Кызылда 55-ки аңгы гвардейжи мото-адыгжы (дагжы) бригаданың дайынчызы чораан, бо хүннерде Тыва Республиканың Шериг комиссариадында специалист-эксперт болуп ажылдап турар, («Орден мужества»), «Эрес-дидим чорук дээш» орденниң эдилекчизи Вадим Александрович Сүгежик белен эвес салым-чолдуг кижилерниң бирээзи. Вадим Сүгежик Шавар халдаашкын үезинде, ооргазынга аар балыглангаш, чартык чыл госпитальга чыткаш, чоок кижилери болгаш шериг албанныг эш-өөрүнүң ачызында сегип үнүп келген биче сержант-биле ужуражып, чугаалашкаш, ооң амыдырал-чуртталгазын силерге таныштырарын шиитпирледим, хүндүлүг номчукчу. ӨГ-БҮЛЕ ДЕГ ЭРГИМ ЧҮВЕ ЧЕРЛЕ ТУРБАС - Мен авам-ачамның дун оглу болуп, 1985 чылдың сентябрь 24-те, чырык черге бодараан мен. Ада-ием кады чурттап эгелээнден бээр, 40 чыл ажа …